به گزارش شبکه اطلاع رسانی راه دانا؛ به نقل از خبرگزاری آناتولی، نیروهای محافظت مرزی تاجیکستان امروز چهارشنبه با انتشار بیانیه ای اعلام کرد که در جریان درگیری مرزی با مهاجمان در مرز افغانستان، ۴ مهاجم کشته شدند.
بنا بر اعلام مقامات تاجیکستان، در این درگیری ۴ عضو یک باند مسلح کشته و در محل درگیری نیز تعداد زیادی سلاح و مهمات متعلق به این افراد کشف و ضبط شده است.
گفتنی است، در دو ماه گذشته، در مرز تاجیکستان و افغانستان ۳ بار میان نیروهای مرزبانی و یک گروه مسلح که قصد نفوذ غیرقانونی به تاجیکستان را داشت، درگیری رخ داده است.
در درگیریهای ماه نوامبر ۲۰۲۵، ۵ شهروند چینی که در یک کارگاه ساخت و ساز در منطقه مرزی فعالیت میکردند، جان باختند و ۵ نفر دیگر زخمی شدند. همچنین در درگیری اواخر ماه گذشته نیز ۳ فرد مسلح که به یک پاسگاه مرزی تاجیکستان حمله کرده بودند، کشته شدند و ۲ نظامی تاجیکستانی هم جان باختند.
مقامات تاجیکستان پیشتر دولت موقت افغانستان را متهم کرده بودند که به تعهدات خود برای تامین امنیت مرزها عمل نمیکند؛ حال آنکه کابل تا کنون اتهامات مطرح را رد کرده است.
ارسال دیدگاه