به گزارش شبکه اطلاع رسانی راه دانا؛ به نقل از سولدوز خبر،اورمو گؤلونون جنوب بؤلگهلرینده یئرلشن و محمدیار اوچ یولو آیریمینا یاخین، سولدوز ماحالینین «دورگه=Dürgə» کندی یئرلشیر.
, شبکه اطلاع رسانی راه دانا, سولدوز خبر،,اوتوز ایلجه بوندان اوّل بو کندین آدین گؤررکن اؤز-اؤزومه دوشونموشدوم:«دورگه» نه دئمکدیر؟ بیر نئچهسیندن ده سورارکن عاغیلا باتان بیر جواب آلانمامیشدیم:
,بورادا تورک و کورد یاشادیغینا گؤره بو یئر «دو رگه» یعنی «ایکی سویلو» آدلانیبدیر و فارس سؤزودور.
,بو آد «دور گل» سؤزونون قیسادیلمیشیدیر.
,بونجا نظرلر و رأیلر منی قاندیرمادی. یئنه آختاردیم و آرادیم. نهایت چوخ اتفاقی اولاراق شاه اسماعیل ختایینین مخصوص آشیغی اولان آشیق قوربانینین دیوانین اوخویارکن بو مصراعا راست گلدیم:
,غواص اولان گیرر درینده گزر
,بیر درین وار بیر دورگه وار بیر دایاز
,بو مصراع تام شرحسیز «دورگه» سؤزونون معناسین اوزه چیخارتدی. دئمک درین و دایاز سؤزلرینین آراسیندا اولان بیر سؤزدور بو و بئله سؤزلره تورک دیلیمیزده باشقا یئرلرده ده راست گلمک اولور. نئجه کی اشاره علامتلری اولان «بو» و «او» سؤزلرینین آراسیندا دا بیر «شو» علامتی گؤرسنمکدهدیر و «شو» نه یاخین و نه اوزاق و اونلارین ایکیسینین آراسیندا اولان بیر مسافهیه اشاره ائدیر:
,مفتی اؤیله، عبد بؤیله، هم خدیجه شؤیلهدیر
,ایشته اؤیله، ایشته بؤیله، ایشته شؤیله والسلام(صابر)
,و اما بو کنده نیه بو آد قویولموشدور؟ بیز جغرافی آدلارا دوشوننده اونلارین یارانما تاریخین و بو آدین نه زمان بو جغرافی آدا اختصاص تاپماسین آراییب و اوزه چیخارمالیییق.
,من شخصاً بو کندین تاریخی و کئچمیشیندن چوخ درین معلوماتیم یوخدور آنجاق قونشو کندلری ده گؤزدن کئچیرهرک بیر گومانلار ائتمک اولار. بو کندین بیر قونشوسو «گؤل» و آیری قونشوسو «آدا» آدلانان کندلردیر. گؤل و آدا ایکیسی ده سو ایله باغلی آدلاردیر. اورمو گؤلونون کئچن 20 ایلدهکی دورومونا باخاراق چوخ راحات دئیه بیلریک بو گؤلون سولاری بیر زمان بو کندین ده اوستونده دالغالانیرمیش. سولار گئری چکیلرکن بیر یاندا «آدا» دیگر یاندا ایسه «گؤل» کندلری ظهور ائدیر و آباد اولور. گؤلون و آدانین آراسیندا قالان «یاریم درین» یئر ایسه «دورگه» اولور و تام معناسین الده ائدیر. ایندی بو حادثه نه زمان و هانسی ایللره توخونور اؤزو بیر آراشدیرما موضوعسو اولا بیلر.
,سؤزومو 500 ایل بوندان قاباق یاشاییب یارادان و دیوانی الیمیزده اولان بیرینجی آذربایجان آشیغی، دیریلی آشیق قوربانینین بیر مصراعسین اوستده گتیردیگیم جناس قوشماسینین گتیرمهسی ایله بیتیریرم.
,,
بیر ده یاز
,گئجه-گوندوز بولود کئچر هاوالار
,بئله گئتمز البت گلر بیر ده یاز
,اوخویور بولبوللر موغام، هاوالار
,سیزیلداشیر یارام، آمان بیر ده یاز
,,
بولود اولان قالخار هاوادا گزر
,عاشق اولان یارین باغرینی ازر
,غواص اولان گیرر درینده گزر
,بیر درین وار بیر دورگه وار بیر دایاز
,قوربانی گولدسته باغلار اوخونا
,سینهم بوتا، یارین مژگان اوخونا
,بیر نامه یاز هر دیواندا اوخونا
,گؤرن دئیه وار اللرین بیر ده یاز.
,انتهای پیام/م
]
ارسال دیدگاه